احتارت الامهات نجاوب على اسئله اولادنا المحرجه ازاى لاننا اتربينا على عدم مناقشه امور الجنس اطلاقها او حتى التحدث عنها
فى ام تقول لطفلها كده عييييييب لما تكبر هتعرف الطفل يروح يسأل حد غريب وياعالم الغريب هيقوله ايه
وام تانيه تجاوب عادى كأن ابنها كبير وهيفهمها والطفل يتصدم وميبقاش فاهم حاجه
وام تزعق لابنها وتقوله عيب اوعى اسمعك بتتكلم ف الكلام ده فالطفل يحس بالذنب وينطوى على نفسه
كده كلهم اتصرفو غلط غلط غلط
طيب والصح ايه:
1_مترتبكيش لما تسمعى سؤال محرج من طفلك وقالبى السؤال بابتسامه وقربى شويه من طفلك او قعديه جمبك
2-لو السؤال عن كيفيه الحمل هتقوليله
ان فى جزء معين الاب بيديه للام وربنا ينفخ فيه الروح ويكبر ويبقى انسان
وفرجيه على صوره للجنين وصوره لطفل عمره اسبوع وصوره لطفل عمره شهر وصوره
طفل عمره 9شهور وصوره طفل عمره سنه
3_لو السؤال عن كيفيه الولاده قوليله ان فى فتحه ف بطن الام لما الجنين يمر عليه 9 شهور فى بطن الام بيكون اكتمل وبينزل من الفتحه دى
وده للطفل تحت 6 سنوات
اما من عمر7 سنين او من بدايه دخول المدرسه النصائح التى يجب ان تعطى للفتاه النصائح التاليه:
1_تخبريها ان المنطقه الحساسه هى جزء خلقه الله يجب ان تحافظ عليه ولا يراه احد او يلمسه ابدا
2_ان سألت عن الحيض اخبريها انها به
ستدخل عالم الكبار وستكون فتاه كبيره وعليها ان تشعر بالفخر حيث سيزداد
جمالها وانوثتها وعلميها كيف تصون جمالها وحببيها فى الحجاب ووخديها معاكى
وصلو جماعه انتى وهى بس وعلميها الطهاره والنظافه
((ملحوظه غير مستحب التكلم عن الحيض
تحت 10 سنوات))حيث تبلغ الفتاه فى الثانيه عشر او الثالثه عشر فلا داعى
للتحدث عنه فى سن مبكر دون ان تسأل اما ان سألت عرفيها وامرك لله_ ده سن
البلوغ ف مصر_
3_اما الاولاد يستحسن ان يتحدث معه ابوه ان سأل عن السائل المنوى والقذف اليلى وان يعلمه الطهاره ويحرص على اصطحابه معه للمسجد
واخيرا لايوجد خير من اوامر المصطفى صلى الله عليه وسلم
(فرقو بينهم فى المضاجع)
بجد ولادنا امانه لازم نكون معاهم وهما بيكبرو خطوه خطوه
واخير لو الموضوع عجبك قيميه
وياريت تردو عليا لو بكلمه شكر وجزاكم الله خيرا
