واعذابي من هـوى الزين وطـعونه
زادبي جرح الغـــــلا يوم جافـــــاني
ماهقيت أن الغلا تجرحني أعيـــونه
الا بعد ماشــفت عينه والاقـــــــــاني
شفته مع الغزلان يمشي على هونه
شفته مع الغــزلان أقـفى وخـــــلان
يوم راح العقل زادت به جنــــــونه
خــف عقلي وزاد العقل بجنــــــــاني
ياليــت باب الوصل مايغلقــــــــــونه
قلبي على وصلهم بالحـيل شـفـقاني
أجــــــيه ساري مع الليـــــل بردونه
شفق عليه القلـب بالحيل عجـــلاني
وده بوصلي حبيبي لو يخلـــــــــونه
كم ليلة تبكي أعيـــــونه على شـاني
خوفه من اللي ياهلي يحرســـــــونه
دونه ودوني ياهلي كل عــــــدواني
أسود شعر هالبنت بالحيل مزيـــونه
لافلته من طـوله الشعر يكســــــاني
ضيع سواد الليل من ظـلمته لــــونه
والوجه كـنه بدر مافيه نقصــــــاني
ياسعد من هو معه ياهلي يزفــــونه
ياحــظ من هـو معه بالليل سهراني
شباكهم لاجــيت عـني يـــــــردونه
والباب دونه باب وحراس الاعيـاني
بالبيت عوده نمى وبالبيت يسقــونه
ياماحـــــلاها وردة والبيت بسـتاني
ياما حلا زرعهم والورد وغصـــونه
وياما حــــلا غرسهم والعـود رياني
هي وردة بالحيل بالورد مجنــــــونه
ياماحلا قطفها من فوق الأغــصاني
ياماحلا حوشهم والبيت وركــــــونه
وياماحــــــلا مدخله مع مدخلا ثاني
يامن يخبرني عن الزين وشلـــــونه
أنقطعت أخباره من أسنين ماجاني
ســعــد الأدهــــم
